الثلاثاء، 25 نوفمبر 2008

..........وماذا بعد



عندما تجلس مشتاق الى من تحبه......ويأتى الى نفسك روح من تشتاق اليه بل وتشعر به جالسا بجوارك ثم تدرك انه ليس بجوارك ...عندئذ تقول لنفسك وماذا بعد.....؟


عندما ياتى الليل ليأخذك فى احضانه وانت قد تكون ملىء بالذنوب..ذنوب قد ارهقتك ..او محمل بهموم العالم بأكمله....هموم اظهرت علامات الشيخوخة على وجهك عندئذ تقول لنفسك وماذا بعد .....؟


عندما تحلق بأحلامك فوق النجوم...فى سماء امتلئت بغيوم من فى الارض.... وفجأة تجد نفسك فى الهاوية وتقول لنفسك وماذا بعد.....؟


ثم تأتى لحظة تجد نفسك بين التراب وتجد من حوللك يبكون ويصرخون...فلا مشتاق اشتقت اليه انقذك من الموت,ولاليل دافع عنك فى احضانه, ولا احلام اشفعت لك ......فماذا بعد ايها الضائع...........؟

الخميس، 13 نوفمبر 2008

فراغ قاتل



جلس وتأمل سقف الغرفة!.. بل وتأمل الحوائط!..وجلس يحصر عدد بلاط الارض!..واخذ بهاتفه المحمول وتأمل ارقام هاتفه ..جلس يفكر...اين الهدف؟؟..ساعات تمر ويجد نفسه فى ممر ضيق ملىء بالغبار لا يستطيع ان يمر فيه ولكنه يحاول جاهدا ان يصل للنهاية...ويااا اسفاااه..يجد النهاية حائطا!..ثم يجلس ويتأمل هذا الحائط ويقول لنفسه مرة اخرى..اين الهدف؟..ولكن لم يجد لنفسه اجابة..جلس يبحث عن اجابة له بين الغبار المتراكم..وجد ورقة مكتوب فيها فراغ قاتل!!..قام من مكانه وذهب ليأخذ كوبا من الماء البارد وعندما عاد الى غرفته وجد انسان يرفع الرايه البيضاء وعلى هذه الرايه مكتوب فيها ..فراغ قاتل!!..وجده يرسم ابتسامة على الحائط ..فسأله حامل الرايه من انت؟..قال له انا المالك...فقال له بل انا المالك...انا هدفك!. ليس لى نهاية.. اتجول الشوارع وادخل البيوت وابحث عن الفراغ كى اقتله واعطى عزائه لمن يستحق....فجئت اليك لارسم لك هذه الابتسامة...انها ابتسامتى.



لم تمر ايام ويرى نفسه وراء المجهول......لم تمر ايام ويشعر بوحدته وسط الاف البشر...يجلس ويفكر ويقول من انا؟؟ هل خلقت لاجل هذا؟ ام ان هانك سبب اخر لا استطيع ان اجد له اجابة....هل خلقت لأكون لوحة فنية ينظر اليها الاخرون؟؟...اما نا هكذا؟...لا استطيع ان اجد لنفسى اجابة...احاول ان اجد الاجابة من خلال تجولى فى شوارع المدينة فى النظر فى عيون البشر احاول ان ارسم لنفسى المستقبل...ارسم لنفسى شمس ساطعة تنير ليلا ونهارا!!..احاول ان ارسم لنفسى الابتسامة المفقوده!..فهل تستطيع ان تصدق هذه الابتسامة عندما ترانى؟...هل تستطيع ان تتجول داخلى وترانى فيما انا فيه ؟....هل سكوتى لما انا فيه تعبير عن الرضا التام ! اما انه استسلام؟...هل يمكن لهذا الكون ان يتغير؟..فان شاء وتغير هل لك ان تتغير وتأتى لكى ترانى؟..واعتقد انك لن تضل الطريق..حيث اسكن وحيدا على الرصيف ...
!!!انه انا الفقر

السبت، 8 نوفمبر 2008

ساقية



لفيت كتير وتعبت ورجعت من مكان ما ابتديت!..عامل زى اللى بيلف فى ساقية مفهاش مايه!..صاحبها انسان وحيد علشان كده ربطوه فى ساقيه ..ربطوه فى عالم اتحط فيه غصب عنه... عالم بلا ماء!....تخيل انك بتلف وبتلف وترجع لنقطة ملهاش معنى يمكن يكون ليها معنى فى كتب الرياضيات وهيه نقطة الصفر... نقطة ابتديت من عندها انك ترسم الدايرة المغلقة ......خلونى اتكلم عن معنى الدايرة المغلقة ,هيه دايرة مغلقة من جميع الجوانب ليها شوية خطوط كده فى النص بنسميهم قطر واوتار وحجات من ده ..بس بقى الدايرة اللى الراجل بيلف فيها دى ملهاش خطوط ده يبلف على الجوانب ..مين عارف يمكن الساقية تتقطم بيه ويقع جوة الدايرة ويفضل يلق جواها ..وساعتها الناس هتقول سيبوه ده بيضرب شقلبزات!!..وناس تانية واقفة تتفرج مستغربين من اللى بيحصل وبيقولوا لبعض مين اللى بيلف فى
!!الساقية ده


حبيبى فى البلاعات مش فى الملاحات!...الملاحات دى كانت زمان دلوقتى البلاعات وبقولها تانى وهفضل اكررها لحد ما ترجع ملاحات..هوة موضوع بجد سهل اوى لدرجة ان مفيش حد من المسئولين بيبصلو.! ايوة سهل ..تخيل انك فى امتحان مثلا ولقيت سؤال سهل اكيد هتسيبه ماهو قدوتك المسؤلين صح ولا تقدر تفتح بوقك بكلمة؟!..خلينى بجد اطلع اللى فى البلاعات قصدى اللى فى نفسى ..لما عيل صغير طالع من مدرسته فرحان بشنطته وكتابه وفجأة تلاقيه اختفى من على وجه الارض ...الغريبة ان اخو العيل ده ممكن تلاقيه بيشيل غطى البلاعة ..سبحان الله تخليص حق مش كده؟..وعلى رأى ام العيل (يعملوها الصغار ويقعوا فيها الصغار بردو!!) والكباراو المسؤولين مش هتفرق كتير.. رافعين علم الزماللك الابيض ووقفين يتفرجوا وكل واحد فيهم عايشها بالطول وبالعرض..اللى بيروح يصيف فى بنوك سويسرا! واللى عمال يحب فى الملاحات

! اصل حبيبه تاه هناك وبيدور عليه

الجمعة، 7 نوفمبر 2008

فضى المثانة


يابلد يا مليانة ما تيجى نفضى المثانة!!..نكتة مش كدة ؟...دى حقيقة مش لعب عيال بلدنا البلد الوحيدة اللى بتكسر السور مش سور الصين العظيم ولا لحسن تفتكروا الجدار الفاصل فى فلسطين!! ..لأ خالص انا مقصدش طبعا انا قصدى سور الشوارع!..حاجة بجد مريبة تلاقيه راكن التاكسى او الملاكى ولا حتة الطيارة مش بعيد (كله فى بلدنا عادى) وواقف زى البنى ادم !!! بيفضى المثانة ...متقليش بقى حياء او كسوف..بجد سبحان الله ده الشمس بيحصلها كسوف !! والبنى ادم بيحصلو فضول..هتقلى ايه اللى جاب كلمة فضول هنا هقللك جت على ده (كله فى بلدنا عادى) ..يمكن من اكل الفول او شرب العصير ..بس وحياتك بعد ما تشرب
!متنساش تفضى المثانة




قالو زمان البنت ملهاش غير بيت جوزها ...ودلوقتى بينادوا بتحرير المرأة !.. اه قولتلى تحرير المراة او تحرير الفتاة
مش هتفرق كتير ماهى لما تكبر هتبقى مرأة بردو مش كده ولا ايه؟!.. طبعا انتوا مسغربين انا كاتب ليه عنوان شيلوا
الزفت !! هوة فعلا زفت..لما تبقى قاعدة فى البيت مورهاش غير الفرجة على التلفزيون..يبقى شيلوا الزفت..لما تنام
وفى حضنها الموبايل للصبح ..يبقى شيلوا الزفت..طيب شيلنا الزفت علشان قالوا فى ثانوية عامة وشيلنا الزفت تانى
علشان قالوا ميصحش تتكلم ..وراحت تمتحن ويارتها ما راحت ..بس ازاى يارتها ما راحت؟؟..ده الثانوية... لأ وايه..
ثانوية بلدنا مصر العربية..ياعينى عليها مشيت واستنت كتير قوى على مستقبلها بس للأسف دايما بنبص لورا بنبص
فى امتحانات السنين اللى فاتت ونحفظها ونرددها-(انا مقصدش هنا حضارة 7000 سنة...!!)-وجه يوم النتيجة وناس
لبسه اسود وناس لبسه ابيض بس هيا كالعادة لبسة اسود!!... ورجعت بيتها حزينة تعيسة وبصت للكتب وصرخت
بأعلى صوت
!!..وقالت شيلوا الزفت